Пакетот е готов, Марта Кос открива кој ќе се приклучи на ЕУ и кога

Европската комесарка за проширување Марта Кос на 4 ноември ќе го претстави Пакетот за проширување на Европската Унија за 2026 година, кој ги содржи извештаите на Европската комисија за напредокот на десетте земји кандидатки за членство.

— реклама —

Документот најпрво ќе им биде претставен на членовите на Комисијата за надворешни работи на Европскиот парламент (АФЕТ). Потоа, постојаните известувачи на оваа комисија ќе подготват нацрт-резолуции за секоја земја поединечно, во кои ќе бидат содржани ставовите и препораките на Европскиот парламент за нивниот пристапен процес.

— реклама —

Следниот ден, на 5 ноември, АФЕТ и Комисијата за буџет на Европскиот парламент ќе одржат неколку дијалози посветени на финансиската поддршка за реформите во регионот. На дневен ред се петтиот дијалог за Инструментот за реформи и раст за Западен Балкан, третиот за Молдавија и шестиот за Инструментот за Украина.

— реклама —

На седницата генералниот директор на Генералниот директорат на Европската комисија за проширување и источно соседство, Герт Јан Копман, ќе ги информира европратениците за спроведувањето на реформските агенди и исплатата на средствата од ЕУ.

Сите седници ќе се одржат во Брисел, објави Европскиот парламент.