Пакистан посредува: Шариф разговараше со Пезешкијан за крај на конфликтот

Додека Пакистан се подготвува за разговори со уште три држави за војната на Блискиот Исток, премиерот Шехбаз Шариф оствари телефонски разговор со иранскиот претседател Масуд Пезешкијан, при што во фокусот биле дипломатските напори за намалување на тензиите.

— реклама —

Според информациите, разговорот траел повеќе од еден час, а Пезешкијан нагласил дека довербата е клучна за успешни преговори и посредување.

Во текот на разговорот, иранскиот претседател ги пофалил дипломатските активности на Пакистан, додека двајцата лидери разговарале за состојбата во регионот и можностите за завршување на конфликтот.

— реклама —

Шариф го информирал Пезешкијан за тековните контакти што Пакистан ги одржува со САД и со земјите од Персискиот Залив, со цел да се поттикне дијалог и да се намалат тензиите.

— реклама —

„Имав деталeн телефонски разговор со иранскиот претседател, кој траеше повеќе од еден час“, соопшти Шариф, додавајќи дека го информирал за „тековните дипломатски активности на Пакистан“, вклучително и контактите со САД и земјите од Заливот.

Пакистан претходно понуди да биде домаќин на преговори меѓу САД и Иран, позиционирајќи се како потенцијален посредник во кризата.

Во разговорот, Шариф ги осуди израелските напади врз Иран и изрази „солидарност со храбриот народ на Иран“, во услови на засилени регионални тензии.