Панчо беше „моторот“ на групата и договараше настапи, подоцна увидов дека пиротехниката е на ДНК, вели нивниот пи-ар

Естрадниот новинар Васко Спасовски, кој работел како пи-ар и букинг менаџер на групата ДНК, сведочеше дека немал врска со организацијата на настапот во дискотеката „Пулс“ во Кочани. Тој посочи дека со газдата Дејан Јованов-Деко и неговиот син Михајло, договарал настапи на други изведувачи како што е Влатко Лозановски.

— реклама —

Тој појасни дека неговата работа била да договори цена, датум и локација за настап, додека организацијата на самиот настан била обврска на организаторот.

— реклама —

Според неговото сведочење, пејачот Панчо најчесто ги договарал настапите на бендот и бил „моторот“ на групата.

Спасовски рече дека за трагедијата дознал рано наутро од објава на интернет, по што веднаш се упатил кон Кочани за да ги бара членовите на бендот.

— реклама —

Во врска со пиротехниката, тој изјави дека првично мислел дека ја обезбедува организаторот, но подоцна увидел дека ДНК користеле пиротехника и на други настапи.

Тој додаде дека претпоставува оти за активирањето на прскалките бил задолжен Мартин Атанасовски Буцо, кој претходно имал технички задачи во бендот.