Папата Лав XIV изјави за време на летот од Рим кон Мадрид, на почетокот на својата посета на Шпанија, дека ќе патува и на Канарските острови каде што ќе ги посети мигрантите, со цел да упати порака за „почитување на секое човечко битие“.
Папата рече дека се надева оти неговото патување ќе даде добар пример за светот и дека ќе се обиде да пренесе порака за „милосрдие и почитување на секое човечко битие“, наведувајќи дека тоа е главната порака на неговата посета, пренесе Ројтерс.
Претседателот на Италија Серџо Матарела упати порака до папата Лав по повод патувањето во Шпанија, наведувајќи дека мирот се раѓа во срцата и дека „никогаш не смееме да се помириме со војната“.
Матарела оцени дека меѓународниот контекст, обележан со конфликти и страдање, повторно отвора прашања за животот и иднината, како и дека Шпанија, Италија и Европа имаат големи предизвици во зачувување на стабилноста, безбедноста и напредокот.
Тој додаде дека посебното внимание на папата кон младите, мигрантите и другите ранливи групи ќе придонесе за афирмација на човечкото достоинство и зајакнување на инклузијата, како и враќање на Медитеранот на неговата улога како простор на дијалог и солидарност.
