„Патишта на Србија“ предупредуваат: Не отворајте сомнителни СМС-пораки за казни и патарини

Јавното претпријатие „Патишта на Србија“ ја предупреди јавноста за, како што наведуваат, злонамерна кампања со СМС-пораки што им пристигнуваат на граѓаните, а се однесуваат на наводно пречекорување на брзината, неплатена патарина или други сообраќајни прекршоци.

— реклама —

Во соопштението се наведува дека граѓаните не треба да ги отвораат линковите што се испраќаат во пораките, ниту да внесуваат податоци од своите платежни картички, бидејќи станува збор за измама и злоупотреба.

— реклама —

— реклама —

Од претпријатието потсетуваат дека веќе подолг период до корисниците пристигнуваат пораки со барање за плаќање на наводни казни преку доставени интернет-врски.

— реклама —

„Патишта на Србија“ апелираат граѓаните да бидат внимателни и да не отвораат линкови испратени од адреси што лажно се претставуваат како официјални канали на претпријатието, нагласувајќи дека станува збор за обиди за интернет-измама.