Пентагон подготвува воени опции против Иран

Пентагон подготвува можни воени опции против Иран, кои треба да му бидат презентирани на американскиот претседател Доналд Трамп, јави Ројтерс, повикувајќи се на американски претставник.

— реклама —

На брифингот ќе учествуваат и министерот за одбрана Пит Хегсет, како и началникот на здружениот генералштаб Ден Кејн. Засега не се откриваат конкретните опции, но се очекува тие да бидат насочени кон притисок врз Техеран да влезе во преговори за прекин на конфликтот.

— реклама —

Според Аксиос, подготвен е план за „краток и силен“ бран удари врз инфраструктурни цели во Иран, како и сценарио за преземање контрола врз дел од Ормуски теснец со цел повторно отворање за комерцијален бродски сообраќај.

Иранскиот претседател Масуд Пезешкијан изјави дека евентуалната американска блокада на иранските пристаништа е „осудена на пропаст“ и ќе ја влоши нестабилноста во регионот.

— реклама —

Дополнително, иранскиот функционер Мохсен Резаи предупреди дека Техеран нема да толерира поморска блокада и дека ќе возврати доколку таа продолжи.

Врховниот лидер Моџтаба Хамнеи порача дека во Персискиот Залив и Ормускиот теснец се отвора „ново поглавје“, обвинувајќи го американското воено присуство за нестабилноста во регионот и најавувајќи дека Иран нема да се откаже од своите воени капацитети.