Седумдесетгодишна скопјанка пријавила во полиција дека била физички нападната и ограбена од две лица во влез од зграда на подрачјето на Центар.
Според информациите од Министерството за внатрешни работи, Р.Д. (70) од Скопје на 7 јуни во 12:05 часот пријавила дека нападот се случил претходната вечер околу 21:30 часот.
Како што навела, додека се наоѓала во влез од зграда во Центар, две лица физички ја нападнале, при што едниот од нив употребил тврд предмет.
По нападот, сторителите ѝ го одзеле паричникот во кој имало пари и избегале од местото на настанот.
Од МВР информираат дека се преземаат мерки за пронаоѓање на сторителите и целосно расчистување на случајот.
