Министерот за локална самоуправа Златко Перински денеска потпиша меморандуми за соработка со шест високообразовни институции во земјата, со што се воспоставува нова рамка за поврзување меѓу државните политики и академската заедница во функција на јакнење на општинските капацитети.
Со документите се предвидува вклучување на универзитетите во активностите на Ресурсниот центар за поддршка на општините, преку ангажирање на академска експертиза и научно-истражувачки потенцијал во области што се во надлежност на локалната самоуправа.
Перински истакна дека оваа соработка претставува значаен чекор кон системско зајакнување на општините и подобрување на локалните услуги за граѓаните, нагласувајќи дека поврзувањето на теоријата и практиката ќе донесе поквалитетни решенија на локално ниво.
Меморандуми беа потпишани со Универзитетот „Гоце Делчев“ во Штип, Универзитетот за информатички науки и технологии „Св. Апостол Павле“, Универзитетот „Св. Климент Охридски“ во Битола, Универзитетот во Тетово, Универзитетот „Мајка Тереза“ во Скопје и Универзитетот на Југоисточна Европа во Тетово.
Иницијативата има за цел да овозможи поголема стручна поддршка за општините и унапредување на локалниот развој преку директна соработка со академските институции
