Пешак загина откако во него удрил камион во Велес

Педесет и четиригодишен жител на Велес загина во сообраќајна несреќа што се случила вчера на улицата „Раштански пат“ во Велес, информираат од Министерството за внатрешни работи.

— реклама —

Според информациите, несреќата била пријавена во СВР Велес на 22 јуни, околу 11 часот, кога товарно возило „Волво“ со скопски регистарски ознаки, со приколка со велешки регистарски ознаки, управувано од С.Д. (55) од Велес, удрило во пешакот О.Ѓ. (54) од Велес.

— реклама —

Од здобиените повреди, пешакот починал на местото на несреќата, а смртта ја констатирал лекар од Итната медицинска помош во Велес.

— реклама —

Возачот на товарното возило е лишен од слобода, а увид на местото извршиле јавен обвинител и увидна екипа од СВР Велес.

— реклама —

По наредба на јавен обвинител, телото на починатиот е предадено на обдукција.