Пет лица приведени поради дрога во Скопје, Прилеп и Велес, меѓу нив и малолетник

Пет лица, меѓу кои и еден малолетник, биле лишени од слобода во полициски акции спроведени во Скопје, Прилеп и Велес, откако кај нив била пронајдена дрога, соопшти Министерството за внатрешни работи.

— реклама —

Во Скопје, на 1 јули, полициски службеници ги привеле Р.О. (23) од селото Огњанци, 14-годишен малолетник од Скопје и Н.Р. (40) од Косово. При преглед кај нив биле пронајдени и одземени марихуана и бела прашкаста материја. По целосното документирање на случаите ќе бидат поднесени соодветни поднесоци.

— реклама —

Истиот ден, околу 9 часот, полициски службеници од ОВР Прилеп го лишиле од слобода Р.А. (41) од селото Житоше, општина Долнени. При претрес во неговиот дом, извршен со судска наредба, била пронајдена марихуана. По расчистувањето на случајот против него ќе следува соодветен поднесок.

— реклама —

Во Велес, пак, на 2 јули околу 00:50 часот, полициски службеници од Отсекот за недозволена трговија со дрога при СВР Велес го привеле М.П. (30) од Велес. При претрес во неговиот дом, извршен по наредба од Основниот суд Велес, биле пронајдени марихуана, бела грутчеста материја, дигитална вага и пари.

— реклама —

За случајот бил известен јавен обвинител, а по неговото целосно документирање против осомничениот ќе биде поднесена соодветна кривична пријава.