Пет лица приведени поради семејно насилство во повеќе градови низ државата

Пет лица биле лишени од слобода, а полицијата постапувала по вкупно шест пријави за семејно насилство во различни градови низ државата во текот на изминатото деноноќие, информираат од Министерството за внатрешни работи.

Во Скопје, 39-годишна жена пријавила дека ден претходно на подрачјето на Шуто Оризари била физички нападната од нејзиниот партнер. Полицијата презема мерки за расчистување на случајот.

— реклама —

Во Тетово, полициски службеници го лишиле од слобода Ш.Е. (59), откако неговата 50-годишна сопруга пријавила дека по кратка расправија во семејниот дом се обидел физички да ја нападне. При проверка било утврдено дека тој бил под дејство на алкохол, со измерени 2,03 промили алкохол во крвта.

— реклама —

Во Прилеп бил приведен Љ.С. (58), по пријава од неговата сопруга дека подолг период ја навредувал и вербално ја малтретирал.

Во Куманово, полициски службеници го лишиле од слобода М.Ѓ. (24), поради сомнение дека психички и физички ја малтретирал својата поранешна партнерка.

— реклама —

Во Велес бил приведен С.Ц. (50), откако бил пријавен дека во семејниот дом агресивно се однесувал и ѝ се заканувал на својата 54-годишна сопруга. За случајот бил известен и јавен обвинител.

— реклама —

Во Кавадарци, пак, полициски службеници го лишиле од слобода С.С. (31), кој според пријавата во дворот од семејниот дом физички ја нападнал својата 53-годишна мајка.

Од МВР информираат дека се преземаат мерки за целосно расчистување и документирање на сите случаи, по што против сторителите ќе бидат поднесени соодветни пријави.