Пет лица приведени во акции за дрога во Скопје, Штип и Гостивар

МВР информира дека на 12 и 13 мај, на повеќе локации во Скопје, полициски службеници од СВР Скопје ги лишиле од слобода Н.Ч.(32), М.С.(20), двајцата од Скопје, како и Ј.М.(26) од село Студеничани, затоа што кај нив била пронајдена и одземена марихуана.

— реклама —

Од полицијата наведуваат дека по целосно документирање на случаите ќе следуваат соодветни поднесоци.

— реклама —

Во посебен случај, на 12 мај околу 15 часот на улицата „Черења“ во Штип, полициски службеници од СВР Штип го лишиле од слобода Е.М.(31) од Штип, откако кај него била пронајдена и одземена марихуана.

— реклама —

Исто така, Надворешната канцеларија за криминалистички работи Гостивар поднела кривична пријава против Ј.К.(33) од Гостивар поради сомнение за сторено кривично дело „неовластено производство и пуштање во промет наркотични дроги, психотропни супстанци и прекурзори“.

Според МВР, при претрес извршен на 8 март 2026 година во домот на пријавениот, била пронајдена и одземена марихуана.