Унгарскиот премиер Петер Маѓар реагираше на изборните случувања во Србија, откако Александар Вучиќ го призна поразот на парламентарните избори, а прелиминарните процени покажаа дека студентската листа обезбедува самостојно мнозинство.
„Во Србија, Александар Вучиќ го објави својот пораз. Студентската листа освојува апсолутно мнозинство на изборите. Низ цела Србија започна славје на улиците. Ви звучи познато?“, напиша Маѓар на Фејсбук.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Неговата порака доаѓа нешто повеќе од шест месеци по парламентарните избори во Унгарија, на кои неговата партија Тиса го победи Фидес на Виктор Орбан и стави крај на неговото 16-годишно владеење.
На изборите одржани на 12 април, Тиса освои 141 од вкупно 199 пратенички места, а Маѓар на 9 мај ја презеде премиерската функција.
Со прашањето „Ви звучи познато?“, унгарскиот премиер алудира на сличностите меѓу изборните случувања во Србија и политичката промена што претходно се случи во Унгарија.
Студентската листа во Србија прогласи победа, додека конечните резултати треба да ги потврди Републичката изборна комисија. Истовремено, Вучиќ призна пораз.
