Петмина повредени во судир на две возила во Струмица

Пет лица се повредени во сообраќајна несреќа што се случила на 26 октомври на крстосницата меѓу улиците „5 Ноември“ и „Крушевска Република“ во Струмица.

— реклама —

Според МВР, во несреќата, пријавена во 12:40 часот, учествувале патнички возила „пежо“, управувано од 28-годишен жител на селото Радичево, и „форд“, управувано од 57-годишен струмичанец.

— реклама —

— реклама —

Возачот на „фордот“ се здобил со тешки телесни повреди, додека неговите четворица сопатници добиле телесни повреди. Повредите биле констатирани во Медицинскиот центар во Струмица.

Увид на местото на несреќата извршила екипа на СВР Струмица.