Петровска ја поддржа иницијативата на Зајкова: „Жените што живеат во страв немаат време за институционални одложувања“

Пратеничката од СДСМ, Славјанка Петровска, ја поддржа иницијативата на колешката Моника Зајкова за заштита на жртвите на родово базирано насилство, повикувајќи ги граѓаните да ја потпишат петицијата.

Во објава на социјалните мрежи, Петровска посочи дека ја дала својата поддршка затоа што, како што нагласува, жените кои живеат во страв немаат време за институционални одложувања.

— реклама —

„Додека парламентарното мнозинство одржува надзорни расправи, некоја жена повторно се враќа во домот во кој е загрозена. Нејзе не ѝ значи дека расправата завршила. Ѝ значи дали некој ќе ја заштити вечерва.

— реклама —

Не сме родени за да бидеме тепани, навредувани, понижувани и убивани. Никој нема право да ни го одземе животот затоа што сме кажале „не“ или сме решиле да си заминеме.

Моника предлага конкретен чекор. Застанувам зад нејзината иницијатива и ги повикувам граѓаните да ја поддржат со свој потпис.

— реклама —

Борбата не завршува со петиција, протест или собраниски записник. Институциите мора да спречат насилство и да спасат живот пред да биде предоцна“, напиша Петровска.

— реклама —