МОНИКА ЗАЈКОВА

Ленче Ристоска беше оттурната и покрај кредбилитетот, рече Зајкова која упати порака до идниот државен обвинител Савески

Пратеничката од ЛДП, Моника Зајкова, во обраќање до јавноста оцени дека изборот на нов јавен обвинител не е само кадровско прашање, туку клучен тест за тоа дали државата конечно ќе обезбеди вистинска правда или ќе продолжи практиката на селективност.Таа посочи дека со години се води иста дебата за правосудството, без суштински промени, и ја критикуваше постапката во која прво се избира обвинител, а потоа се менуваат законските решенија.„Ова е избор кој значи тест за институциите и за тоа дали конечно ќе имаме вистинска правда или ќе продолжи селективната правда“, истакна Зајкова.Според неа, иако формално процедурите биле испочитувани, суштинскиот впечаток е дека Владата ја има клучната улога во изборот.„Повторно се создаде впечаток дека политиката има последен збор таму каде што треба да владее правото“, рече Зајкова.Таа го посочи и случајот со обвинителката Ленче Ристоска, за која оцени дека била оттурната и покрај нејзиниот кредибилитет.„Кога се оттурнуваат професионалци, а се туркаат погодни решенија, довербата кај граѓаните ќе продолжи да паѓа“, додаде таа.Зајкова нагласи дека проблемот не е во поединечни имиња, туку во системот на избор кој, според неа, секогаш остава простор за сомнеж за политичко влијание.Во своето обраќање таа упати порака и до новиот јавен обвинител, Ненад Савески, оценувајќи дека пред него стои голема одговорност.„Не е доволно да сте добар правник, потребна е храброст – да се оттурне политиката од обвинителството, да се отворат предмети што со години стоеле затворени и да се покаже дека законот важи за сите“, истакна Зајкова.Таа порача дека граѓаните не бараат совршен обвинител, туку праведен и независен.„Имате шанса да ја вратите довербата и да покажете дека правдата не е мртва. Или ќе ја ослободите правдата, или ќе останете соучесник“, рече Зајкова.Воедно, таа упати порака и до власта да не се меша во правосудството.„Правдата не е ваша алатка. Институциите не се партиски продолжетоци и секое вмешување ќе биде препознаено и осудено“, нагласи таа.

Македонија | пред 1 седмица

Зајкова: Точно се знае кој во која институција не постапувал, чувал предмети во фиока и да сноси одговорност

„Навистина е прашање колку жртви однесе навистина молкот на институциите?“, праша претседателката на Либерално-демократската партија (ЛДП) и пратеничка во Собранието, Моника Зајкова, на тркалезната маса „Предизвици во обезбедувањето поддршка и заштита на жртвите на насилство врз жени и семејно насилство“, организирана од Министерството за внатрешни работи и министерот Панче Тошковски.„Слушам институциите треба да постапуваат за да има постапки и да има институционална координација. Па ние сме институциите. Кој ве спречува да постапувате?!? Ако бројките покажале дека се зголемува бројот на пријави, очигледно е дека системот мора да постапува и подобро да се координира. Зашто досега не сте се координирале, кој ве спречува?!?“, прашува Зајкова.„Се согласувам со тезата дека жртвата може да прости насилство, но државата не смее да го прости насилството, затоа што многу луѓе, не само жени, туку и мажи, се срамат да го пријават насилството. Особено кај мажите, егото и срамот, а кај жените гледаме како завршува, а и бројките на жени мора да признаеме се многу поголеми. И тука веќе немаме право на изговори и немаме право на дискусии што треба да се направи или не треба да се направи“, вели Зајкова, додавајќи дека побарала надзорна расправа за конкретно да се знае кој во системот потфрлил, зошто личната одговорност мора да почнеме да ја практикуваме, а не само да анализираме дали е виновен системот или институциите.„Точно се знае кој во системот, кој во која институција не постапувал, чувал предмети во фиока и тој треба навистина да сноси одговорност за пропустите. Затоа барам таа надзорна расправа да биде во Собранието, каде што ќе дојдат сите и ќе може да слушнеме зошто по одредени предмети не се постапувало. Во последните случаи, не само во случајот што се случи во Карпош, туку и во случаите со серискиот убиец. Значи апсолутно, не може жртва да пријавува следење и никој да не реагира, зошто? Затоа што тој таму бил непресметлив. Што ако е непресметлив? Треба тука да молчиме сите затоа што е непресметлив? Тоа е смешен изговор“, појаснува Зајкова.На 1 април минатата година Зајкова до Собранието поднесе закон со кој што се бара воведување на електронска нараквица за следење на сторителите. Покрај забраната за приближување, таа нараквица ќе ја алармира жртвата кога сторителот ќе биде во нејзина непосредна близина. Заккоба е убедена дека ако тогаш се усвоеше законот, можеби ќе спречеше дел од имињата кои што денес ги читаме да бидат жртви кои што ќе завршат со фатални последици. Затоа вчера повторно го поднела истиот закон.„Слушаме дека да, се изрекуваат привремени мерки, но дали некој следи колку тие привремени мерки се почитуваат? Колку привремени мерки се изречени, а сторителот повторно се приближува до жртвата? Па вчера имаше по порталите дека жената побарала од сторителот да престане да ѝ се приближува и да ја малтретира, зошто во спротивно ќе мора да преземе самата мерки. Мора да си признаеме дека државата и те како потфрли и дека крајно време е да не се собираме само на дискусии на кои што ќе кажуваме како треба, туку денеска кога ќе излеземе од тука, да се помислиме и да се преземат конкретни чекори да се утврдуваат веќе конкретни одговорности“, завршува претседателката на ЛДП, Зајкова.

Македонија | пред 2 седмици

Зајкова: Колку жени уби молкот на институциите?

„Денес, наместо честитки и фалби, ќе прочитам неколку наслови: „Се откопува телото на уште една жена поврзана со потенцијален сериски убиец, претходната кај која се утврди насилна смрт имала пријавено дека сторителот ја следи“; „Мајка и дете загинаа по пад од зграда во Карпош, соседите велат дека постојано трпела насилство кое било пријавувано“; „Жена претепана од сопругот, 23-годишна девојка следена од поранешниот партнер“.Рамајана.Росица.Кате.Марија.Која треба да е следна? Дали сите треба да умреме за да проработи системот, вели претседателката на ЛДП, Моника Зајкова.“Дали треба уште едно име да стане хаштаг, уште една фотографија да стане црна рамка, уште едно дете да остане без мајка, уште една мајка/татко без ќерка – за институциите да сфатат дека молкот убива?Пријави за семејно насилство, закани. Но, од друга страна, институционален молк.И додека ние овде зборуваме за стратегии, акциски планови и родова еднаквост на хартија – жените умираат во реалноста.Собранието нема право да молчи и да се крие зад процедурите. Собранието има одговорност.Го отфрливте Законот за електронска нараквица за следење на сторителите на насилство. Без сериозна дебата и аргументи. Од тогаш само броиме жртви.А денес? Денес устите полни со поддршка за жените. Каде беше таа поддршка кога требаше да се обезбеди конкретен механизам за заштита? Каде е парламентарниот надзор за институциите што молчеле? Каде е одговорноста? Зошто институциите ги остават жртвите сами?Ова не се изолирани случаи. Ова е систем што реагира по притисок на јавноста, но не и по пријава.Денес нема да зборувам за платниот јаз. Нема да зборувам за недоволната застапеност на жените во политика. Нема да зборувам за несоодветната инфраструктура, за економско јакнење, за секојдневните предизвици на жените, кои ги има многу.Денес ќе зборувам за живот и смрт.Колку жени уби системот со своето молчење?Колку пријави останале и уште колку се наоѓаат во фиока?Колку пати сме слушнале: „Тоа е семејна работа“?Не, колеги. Тоа не е семејна работа. Тоа е државна одговорност. 8 Март не е ден за цвеќе и пригодни објави на социјални мрежи.8 Март е ден за вистина. А вистината е дека државата потфрли.И ако не сакаме следниот 8 Март повторно да го одбележиме со читање на имиња на жртви –тогаш мора веднаш да преземеме конкретни мерки.Не декларации. Не соопштенија.Затоа што секое одложување може да значи уште едно име. И тогаш нема да биде доволно да кажеме „изразуваме жалење“.Денес прашањето не е дали сме за правата на жените. Прашањето е дали им овозможуваме безбеден живот?Обврска е да покажеме дека системот може да штити, а не да молчи. Во спротивно, историјата нема да нѐ памети по честитките за 8 Март, туку по тишината додека жените умираа.Време е системот да проработи“, вели Зајкова.

Македонија | пред 3 седмици

Зајкова против членот 353в: Се брише одговорноста на министрите

„Спин е она што го говори ВМРО-ДПМНЕ дека виделе има мнозинството 61 на седницата па влегле за Кривичниот законик. Во салата нашето мнозинство имало регистрирано, сосе мене, бидејќи на таа седница и претходеле и други точки, ние нормално сме се регистрирале, на таа седница имало околу 54 луѓе. Како стигна до 61? И не ми беше суштината да ние се доведеме во ситуација каде што ќе коментираме кој го направил кворумот, но мислам дека со кворумот се избегнува суштината на тоа дека се брише одговорноста“, вели претседателката на Либерално-демократската партија (ЛДП) и пратеничка во македонското Собрание, Моника Зајкова во гостување на поткастот Основано Сомнение со Јанаки на а1он и посочува дека не гласала за овој Кривичен законик исто како што не гласала и за тој во претходниот мандат.Зајкова вели дека е за поздрав тоа што со овој закон се регулира приватните снимки да не бидат злоупотребувани и родово-базираното насилство да се гони по службена должност, меѓутоа не се согласува под превозот на тие членови да се турка член како 353в, со кој што се брише одговорноста на органите на државната управа (министрите и директорите).„Друго во членот 353, ајде што казните не се на ранг на кои што биле претходно и даваат можност за со условна осуда да се помине. Јас не знам за кои јавни набавки се направило кривично дело затоа што не бил објавен повик за јавна набавка? Значи најголемите малверзации се прават во техничките спецификации, во понудите.. и сега ние сето тоа го тргаме и се правиме и кажуваме како ја заоструваме казнената политика. Не е точно“, посочува Зајкова и додава дека со тоа се бега од суштината.„Целата дискусија се сведува на кворумот за да се избегне да се даде објаснување зошто 353 останува ваков. Иако ВМРО-ДПМНЕ од опозиција, односно нивниот претседател на партија, ги имам јас изјавите, најжестоко го критикуваше тоа и кажуваше дека ќе се вратат оние најмалку години на осуда“, вели Зајкова.На прашање дали тоа се правело со Кривичниот законик за да се направат услови за да се врати поранешниот премиер Никола Груевски, претседателката Зајкова одговара дека не била дел од никакви групации или такви заговарања и не знаела дали било шпекулација и дали било вистина.„Едноставно како правник навистина не ме интересираше тоа. Ме интересираше суштината на тоа што ќе го донесе Кривичниот законик. Бидејќи во тоа време ЛДП имаше доставено паралелно предлог непосредно пред да стигнат, за покачување на роковите за застареност, затоа што ги вадевме праксите од хрватскиот модел, каде што во самиот институт на застареност на релативната и апсолутната го креваат го креваат прагот, а ние не добивме ништо од тоа“, заклучува Зајкова.

Македонија | пред 1 месец

Зајкова: Одложеното дејство на уставните измени да биде единствена натпартиска државна позиција

Претседателката на Либерално-демократската партија и пратеничка во македонското Собрание, Моника Зајкова, во гостување на Само Вистина во Канал 5, посочи дека постапката за уставните измени може и сега да започне, но би се завршила и измените би стапиле на сила со потпишувањето на пристапниот договор со Европската Унија.„Позициите на ЛДП се дека во последните заклучоци ништо не нѐ спречува ние да ги спроведеме уставните измени, односно нели ја почнеме постапката за донесување на уставните измени, за да стигнеме до таа последна фаза за уставниот закон, каде што самите предвидуваме кога истите би стапиле на сила. Точка 4 се однесува на тоа дека Македонија треба да ги спроведе уставните измени, точка 6 е дека ќе се одржи втората меѓувладина конференција без политичка одлука откако ќе го завршиме процесот на уставни измени согласно домашната процедура. Тоа остава можност за пошироко толкување, кое што нѐ води до она одложено дејство за кое што зборуваме и дека тука, ако тоа ни се позициите, треба да изградиме сите заедно една државна позиција дека да, еве ние сме ја завршиле нашата обврска, меѓутоа истите ќе стапат на сила откако сите земји членки, вклучително и Бугарија, ќе гласаат за“, појаснува Зајкова.Според Зајкова, во измените никаде не пишува „to enter in force immediately”, што значи дека нема обврски тие веднаш да стапат во сила. Во самата преговарачка рамка нема датуми по однос на стапување на сила, туку таа се однесува на примена на договорите кои што ги ратификувала земјата Она што е важно за државата е тоа дека обврските кои што сме ги презеле се во заклучоците.„Постојано говорев дека треба да најдеме начин како да ги спроведеме заклучоците кои што ги усвоил Европскиот Совет во врска со проширувањето на Македонија и Албанија. Оттука, пак се враќаме на она, да, треба да ги спроведеме уставните измени, меѓутоа во уставниот закон, кој што е последната или третата фаза имаме можност да го вградиме тоа одложено дејство“, вели Зајкова и додава дека во секој закон може да се стави на крајот преодна одредба кога истиот би стапил во сила.ЛДП предлага измените да стапат во сила откако сите земји членки, вклучително и Република Бугарија како земја членка, би го ратификувале пристапниот договор за членство на Македонија во Европската Унија.На прашање за последните писма на Ахмети, претседателката Зајкова смета дека во овој момент се надминати тие теми и дека е излишно да се разговараат. Нема потреба од навраќање наназад на некои работи и да креирање меѓуетнички тензии. Вели дека за неа, како либерален демократ, сите граѓани во оваа држава се еднакви и треба да бидат еднакви пред законот и пред судовите.„Додека Америка лансира сонди за испитување на живот во езерата под една од Јупитеровите месечини, ние пак ги отвораме прашањата за меѓуетнички односи, што јас лично не гледам потреба дека тоа треба да се случува. Ајде да престанеме да гледаме на квоти, да почнеме веќе да гледаме на квалитет и на оној мерит систем кој сите го бараме. Верувам дека сите граѓани кои живееме во оваа држава сакаме да се цени нашиот квалитет. Јас кога одам на доктор не прашувам за етничката припадност на докторот, туку го барам најдобриот кој што е на соодветната хирургија за да ме оперира“, посочува Зајкова.ДУИ, според Зајкова, изгради цела политичка кариера на меѓуетничките прашања и наместо тензии, Зајкова побара да се фокусираме на она што се конкретни проблеми за решавање во државата: правосудниот систем, растење на довербата во правосудството, стимулирањето на економијата и други важни теми.Зајкова појаснува дека ако сакаме да градиме правна држава треба да ги почекаме одлуките на уставниот суд и да ги почитуваме тие одлуки.„Доста веќе беше фокусот на меѓуетничките прашања и доста го раскаруваме народот меѓу себе, јас верувам дека народот живее во добри соседски и меѓуетнички односи и ајде да ја фокусираме политиката на друго место, а тоа е како да го подобриме секојдневниот живот на граѓаните. Јас не ги делам луѓето ниту на македонци, на албанци, на роми, турци, бидејќи сите живееме во оваа земја, сите се соочуваме со секојдневни притисоци и треба да работиме на подобрување на секојдневието на секој од нас“, заклучува Зајкова и додава дека тие теми се надраснати, депласирани и наместо меѓуетнички тензии, редно време е да наоѓаме решенија и да градиме подобар живот за секој од нас тука.

Македонија | пред 1 година