31-годишен жител на Велес е лишен од слобода откако, според пријава, физички нападнал 71-годишна сограѓанка и ја оштетил влезната врата од нејзиниот дом.
Од Министерството за внатрешни работи информираат дека на 25 јуни во 18:55 часот, полициски службеници од СВР Велес го привеле П.Н. (31) од Велес, постапувајќи по пријава од 71-годишна велешанка.
Според пријавеното, мажот дошол пред нејзиниот дом барајќи ја нејзината ќерка. Откако дознал дека таа не е дома, физички ја нападнал пријавителката и ја скршил влезната врата од нејзиниот дом.
По преземените мерки било утврдено дека П.Н. бил под дејство на алкохол, при што му биле измерени 1,11 промили алкохол во крвта.
Тој бил задржан во полициска станица, за случајот бил известен јавен обвинител, а по негово целосно документирање ќе биде поднесена соодветна пријава.
