Пијан возач со над 2,5 промили алкохол предизвикал сообраќајна незгода во Гостивар

Педесет и седумгодишен жител на селото Врапчиште бил лишен од слобода откако полицијата утврдила дека управувал возило под дејство на алкохол, по претходно случена сообраќајна незгода во Гостивар.

— реклама —

Од СВР Тетово информираат дека на 21 јуни околу 23:20 часот, на улицата „Браќа Ѓиноски“ во Гостивар, по сообраќајна незгода помеѓу две патнички возила, полициски службеници извршиле алкотестирање врз едниот од возачите, Е.И. (57) од селото Врапчиште.

— реклама —

Тој управувал патничко возило „Мерцедес“ со гостиварски регистарски ознаки, а при алкотестирањето му биле измерени 2,54 промили алкохол во организмот.

— реклама —

Во консултација со јавен обвинител, возачот бил лишен од слобода, а возилото му било одземено.

— реклама —

По целосното документирање на случајот, против него ќе биде поднесена соодветна пријава.