Пијан возач удрил малолетен велосипедист и избегал од местото на несреќата во Охрид

Петнаесетгодишно момче од Охрид се здобило со тешки телесни повреди во сообраќајна несреќа, откако во него удрило патничко возило чиј возач го напуштил местото на настанот, соопшти Министерството за внатрешни работи.

— реклама —

Според МВР, несреќата се случила на 3 јули во 17:20 часот на крстосницата од булеварот „Македонски Просветители“ и улицата „Димитар Влахов“ во Охрид. Во неа учествувале велосипед управуван од 15-годишник од Охрид и патничко возило кое по судирот не застанало, туку избегало.

— реклама —

Малолетниот велосипедист се здобил со тешки телесни повреди, кои биле констатирани во болницата „Св. Еразмо“ во Охрид.

— реклама —

По преземените мерки, полициските службеници го пронашле возилото „Фолксваген тигуан“ со охридски регистарски ознаки, како и неговиот возач М.Д. (65) од Охрид. При алкотестирањето било утврдено дека возачот имал 0,7 промили алкохол во крвта.

— реклама —

По наредба на јавен обвинител, увид на местото на несреќата извршила екипа на СВР Охрид.