САД и Израел засега не успеаја да предизвикаат побуна во Иран

САД и Израел планираа да поттикнат внатрешна побуна против теократската власт во Иран на почетокот на конфликтот, со цел брз крај на војната и пад на режимот, но засега тие планови не донесоа резултати, јавува New York Times.

— реклама —

— реклама —

Според изворите, стратегијата се темелела на претпоставка дека елиминацијата на иранските челници и паралелните разузнавачки операции би можеле да предизвикаат масовен устанок, но три недели по почетокот на конфликтот, режимот останува стабилен. Стравот од репресивниот апарат и продолжените воени акции значително ја намалија веројатноста за побуна, додека Иран ја зајакна контролата и продолжи со воените операции.

— реклама —

И покрај изостанатите очекувани ефекти, американските и израелските официјални лица не се откажуваат од можноста дека развојот на ситуацијата на теренот може да поттикне промени во Иран, иако засега нема најава дека тоа ќе се случи наскоро.