По 88 дена, делумно е обновен интернетот во Иран

Интернет-врската во Иран делумно е обновена по речиси тримесечна блокада, објави организацијата „Нетблокс“, која го следи глобалниот интернет-сообраќај.

— реклама —

Според организацијата, интернет-услугите почнале постепено да се враќаат на 88-от ден од, како што наведуваат, „најдолгата национална блокада на интернетот во модерната историја“.

— реклама —

Од „Нетблокс“ предупредуваат дека засега не е познато дали обновената врска ќе биде трајна.

— реклама —

Интернетот во Иран беше исклучен на 28 февруари, на денот на првиот американско-израелски напад, а граѓаните оттогаш имале само краткотраен пристап за време на технички прекин во март.

Според организацијата, иранските власти ја вовеле блокадата со цел да го контролираат протокот на информации што излегуваат од земјата.