Спречен превоз на бесправно исечено буково дрво во Отља

Шумочуварската служба на ЈП „Национални шуми“, во заедничка акција со припадници на шумската и граничната полиција, спречила превоз на бесправно исечено буково огревно дрво во село Отља.

— реклама —

Како што информираат од ЈП „Национални шуми“, на 5 октомври во Шумско-стопанската единица „Вуксан“, во состав на подружницата „Куманово“, било забележано товарно моторно возило како превезува бесправно исечена дрвна маса.

— реклама —

— реклама —

Дрвото било одземено и пренесено во складот на подружницата „Куманово“.

Од ЈП „Национални шуми“ упатија благодарност до шумската и граничната полиција за соработката и поддршката во справувањето со бесправната сеча и овој вид криминал.