Премиерот Христијан Мицкоски најави дека Владата ќе интервенира со намалување на акцизите за дизелот и бензините по новото зголемување на цените на горивата, кое ќе стапи во сила од понеделник.
Тој посочи дека растот на цените е последица на поскапувањето на нафтата на светските пазари и зајакнувањето на американскиот долар.
„Немаме направено калкулација за покачувањата. Ќе има, секако, бидејќи нафтата и бензините драматично пораснаа изминатава недела. А и курсот на доларот е малку посилен во споредба со претходната недела. Ние како Влада ја продолживме кризната состојба уште три месеци. Цените се такви што сигурно ќе имаме намалување на акцизите и кај дизелот и кај безоловните горива“, изјави Мицкоски.
Претходно, Регулаторната комисија за енергетика донесе одлука со која малопродажните цени на нафтените деривати во просек се зголемуваат за 3,59 проценти.
