Наставничката по македонски јазик и литература Татјана Алексиќ остро реагираше по случајот со малтретирањето на малолетното девојче во Ѓорче Петров, повикувајќи на итни и радикални системски мерки во образованието.
Таа смета дека училиштата се оставени без соодветна поддршка и дека е неопходно сериозно зајакнување на стручните служби.
„Ни требаат под итно флота од стручни лица во училиштата, образовни асистенти, социјални работници, педагози, психолози, психотерапевти, дефектолози, логопеди, служби за детектирање метал и оружје при влез во училиште, систематски прегледи со тест за никотин и дрога во крв, забрана за (а)социјални мрежи до 18 години и цивилизирани казнено-поправно домови!“, изјави Татјана Алексиќ.
Според неа, проблемот е подлабок и започнува многу порано во развојот на децата.
„За љубов, емоционална писменост и човекови права е доцна, зашто во првата декада од животот на децата се битни и имаат влијание врз воспитувањето. Децата во 6то одделение се веќе карактерно и психички оформени!“, изјави Татјана Алексиќ.
Таа предупредува дека ваквите случаи нема да бидат изолирани.
„Ќе повторуваат злоставувања! Ќе продолжат да се расправаат по социјалните мрежи! Ќе учат од нас возрасните за агресија и ‘добро’ ќе нѐ имитираат“, изјави Татјана Алексиќ.
Во својата реакција, наставничката поставува и директни прашања за изворот на ваквото однесување кај децата.
„Каде виделе гасење цигари од кожа? Каде виделе, слушнале или прочитале за такви гадости? Кој ги научи толку да мразат и злоставуваат?!?“, изјави Татјана Алексиќ.
На крајот, таа упати сериозна опомена за состојбата во општеството.
„Ние систематски моделираме генерации на психопати!“, изјави Татјана Алексиќ.
Кубење, шамарање па буткање на земја: Насилничките од Ѓорче Петров сликале и „селфи“ со раскрвареното девојче-жртва
Вознемирувачки се снимките кои група деца-насилници ги правеле додека малтретирале девојче, кое е ученик во основно училиште во Ѓорче Петров. Ова го направиле во два наврати, а и во двата наврати снимале. Првите снимки, кои редакцијата на „Скопје1“ ги поседува, но нема да ги објави поради можноста за двојна виктимизација на жртвата, но и затоа што жртвата е малолетничка, покажуваат брутално изживување.Сѐ се случува на една клупа, каде девојчето седи, а група девојчиња се собира околу неа. Ја кубат за коса, ѝ се дерат, додека група деца, машки, се исмејуваат од страна.„Уште еден проблем да ни направиш на сите нас“, вели девојче-насилник, кое истовремено го кубе девојчето-жртва за коса, а од страна и велат „Абе не ја куби мавни ја!“ и се смејат.По ова следува вознемирувачки чекор, друго девојче ѝ се нафрла, ја фаќа за коса и глава и ја турка од клупата на земја, а смеата на останатата група продолжува. Девојчето станува и пак седнува на клупата.На друга снимка се гледа дека додека девојчето-жртва е на земја, една од насилничките ја клоца по нога, додека друга ја удира по лице. Настанот го гледаат најмалку десетина деца, а се снима од најмалку две деца. Второто видео од малтретирањето е објавено на социјалните мрежи.Највознемирувачка е третата снимка каде друга насилничка, му удира силен бокс на девојчето додека другите гледаат. Но овде малтретирањето не завршува.„Скопје1“ дојде до фотографија каде две од насилничките прават „селфи“ со девојчето жртва, додека таа крвари од устата и носот. Оваа фотографија е објавена и на социјалните мрежи.Градоначалникот на Ѓорче Петров, Александар Стојкоски, на чија територија учат и насилниците и жртвата, посочи дека за настанот знаат уште кога се случил, на 30 март.„Случајот е веднаш пријавен во полиција, а родителите на жртвата имаат пријавено и во училиштето, а тие пак постапиле согласно напатствијата од МОН. Вклучен е и инспектор за малолетничка деликвенција, информиран е јавен обвинител. Случајот е преземен од страна на службите. Од страна на наставничкиот совет изречени се најстроги казни за децата насилници кои биле вклучени во овој акт. Изречени се санкции и на тие кои биле набљудувачи, односно снимале, подбуцнувале“, вели Стојкоски.Тој посочува дека ги видел и снимките од социјалните мрежи.„Навистина го осудувам како човек и родител настанот кој се случи на нашата територија. Активности преземаме постојано“, додава тој.За ова се огласија и од МВР.
Скопје | пред 20 часа
