По преполнетите охридски локации, „Охридски комуналец“ со обемна акција за чистење

По викендот исполнет со бројни културни, музички и верски настани, екипите на ЈП „Охридски комуналец“ спроведоа обемни активности за одржување на јавната чистота на повеќе локации во градот.

— реклама —

Во текот на викендот, Охрид беше посетен од голем број граѓани и гости, а се одржаа повеќе манифестации, меѓу кои и верските празнувања на Света Петка во Велгошти и на Светите Климент и Пантелејмон во храмот на Плаошник.

— реклама —

По завршувањето на настаните, екипите на „Охридски комуналец“ работеа на расчистување на локациите и отстранување на отпадот, како и на миење на јавните пешачки површини.

Од претпријатието посочуваат дека активностите се реализираат со цел јавните простори во градот да бидат чисти и уредни и по масовните собирања и манифестации.

— реклама —

— реклама —