По објавувањето на пресудата против Хашим Тачи, Кадри Весели, Реџеп Селими и Јакуп Красниќи, Специјализираните совети на Косово ја започнаа постапката за определување компензација за жртвите во случајот.
Судскиот совет 2 одлучил за компензацијата да одлучуваат самите Специјализирани совети, со оценка дека граѓанските судови во Косово не обезбедуваат „ефикасен и реалистичен“ начин за остварување на правата на жртвите во овој случај.
Во одлуката се наведува дека упатувањето на жртвите пред косовските судови би можело да ги загрози мерките за нивна заштита, вклучително и нивната анонимност.
Сепак, одлуката сè уште не е конечна. Одбраната има рок до вторник, 22 септември 2026 година, да поднесе приговори против одлуката жртвите да не бидат упатени пред косовските судови.
Доколку не бидат поднесени приговори, Судскиот совет ќе продолжи со постапката за определување на репарациите за жртвите.
