хаг

Повлекувањето на САД од Хашкиот механизам отвора прашања за иднината на пресудите за воените злосторства

Соединетите Американски Држави се повлекоа од Меѓународниот механизам за кривични судови во Хаг, институцијата која го наследи Меѓународниот кривичен трибунал за поранешна Југославија и судот за Руанда.Овој потег е дел од поширока одлука на Вашингтон да се повлече од вкупно 66 меѓународни организации и механизми, врз основа на претседателски меморандум со кој се наложува прекин на учеството и финансирањето на тела за кои е проценето дека не се усогласени со американските интереси.Меѓу институциите опфатени со оваа одлука се најде и Меѓународниот механизам за кривични судови, заедно со бројни тела на Обединетите нации и нивни специјализирани агенции. Иако во меморандумот не се наведени поединечни образложенија за секоја организација, фактот што механизмот задолжен за процесуирање на воени злосторства е ставен во иста група со политички и развојни форуми укажува на промена во односот на САД кон меѓународната кривична правда.За Босна и Херцеговина оваа одлука има особено значење. Механизмот го чува правниот континуитет на пресудите за геноцид и воени злосторства извршени за време на војните во деведесеттите години, води жалбени постапки и управува со архивите кои се од клучно значење во борбата против негирањето на злосторствата.Во рамките на својата надлежност, овој судски механизам донесе правосилни пресуди против Ратко Младиќ и Радован Караџиќ, кои се осудени на доживотен затвор за геноцидот во Сребреница и други злосторства против човештвото. Правосилна пресуда беше изречена и против Јовица Станишиќ и Франко Симатовиќ, поранешни челници на Службата за државна безбедност на Србија, со што повторно беше отворено прашањето за улогата на Белград во војната во Босна и Херцеговина.Повлекувањето на САД, една од клучните држави што стоеја зад основањето и работата на Хашкиот трибунал, дополнително го ослабува меѓународниот рамковен механизам кој ги штити овие пресуди од политичко оспорување и релативизирање.Иако Меѓународниот резидуален механизам формално продолжува да функционира под покровителство на Обединетите нации, без целосната политичка и финансиска поддршка од Соединетите Американски Држави, неговиот авторитет и оперативни капацитети остануваат сериозно намалени.

Свет | пред 1 седмица

Трагедија во Хаг: Петмина загинати и уште повеќе исчезнати по експлозии во станбена зграда

Најмалку пет лица загинаа, а четворица се повредени откако експлозии потресоа станбен блок во Хаг, Холандија, соопштија властите.Пожарникарите веднаш реагираа и стигнаа до трикатната зграда откако експлозиите предизвикаа уривање на неколку станови во населбата Тарвекамп околу 06:15 часот по локално време во саботата наутро.Градоначалникот на Хаг, Јан ван Заанен изјави дека се уште не се знае колку луѓе се водат за исчезнати.Причината за експлозиите се уште не е утврдена, но холандската полиција соопшти дека автомобилот го напуштил местото „со голема брзина“ набргу по експлозиите. Полицијата апелираше до сведоците да излезат и да споделат информации, пишува Би-Би-Си.Градоначалникот истакна дека шансите да се најдат преживеани во урнатините се многу мали, апелирајќи до заедницата да се подготви за „најлошото можно сценарио“.Претходно имаше проценки дека во становите во моментот на експлозијата можело да има и до 20 луѓе, но Ван Занен одби да ја потврди таа информација.Холандската противпожарна служба соопшти дека се потврдени пет смртни случаи.Според извештаите на холандските медиуми, во експлозијата биле уништени пет станови.Спасувачките тимови со кучиња трагачи ги пребаруваат урнатините, но делови од местото на несреќата се уште се премногу опасни за пристап. На местото на несреќата е поставено осветлување, а за отстранување на урнатините била донесена и голема градежна машина.Четиринаесетгодишниот Адам Милер за новинската агенција АФП изјави дека експлозијата „изгледала како земјотрес“.„Спиев и одеднаш имаше огромна експлозија“, рече тој.„Погледнав низ прозорецот и не видов ништо освен пламен. Тоа беше огромен шок“, додаде тој.Комесарот за национална полиција на Холандија, Џени Нол, рече дека меѓу жителите има „неверување и несигурност“.Холандскиот крал Вилем-Александар и кралицата Максима издадоа соопштение во кое изразуваат сочувство: „Сочувствуваме со сите кои беа лично погодени од оваа несреќа или стравуваат за судбината на своите најблиски“.

Свет | пред 1 година

(Видео) По експлозија, се урна зграда во близина на центарот на Ден Хаг, луѓето се под урнатините

Трикатна станбена зграда делумно се урна во Хаг, по пожар и експлозија, соопштија пожарникарите кои трагаат по луѓе под урнатините.Службите за итни случаи бараат луѓе и се борат со пожарот“, соопштија од градската противпожарна служба.Спасувачите не знаат колку луѓе се уште се под урнатините, ниту пак што можело да ја предизвика експлозијата во оваа зграда која се наоѓа недалеку од центарот на градот.Како што јави локалниот медиум Regio15 спасени се неколку лица.Четири лица повредени во експлозијата се пренесени во болница, соопштија пожарникарите.Градоначалникот Јан ван Занен го посети местото на несреќата за да ги координира напорите за спасување, според Regio15.Се чини дека неколку ката од зградата биле уништени во експлозијата, според Регио15.На првата снимка од местото на настанот што ја објави јавниот канал НОС се гледа како неколку десетици пожарникари се борат со пожарот.https://twitter.com/Symphony_res/status/1865312950187176312?ref_src=twsrc%5Etfw#dmid=cbb77a21-e3c3-474c-b6c7-cd9dfa993be7

Свет | пред 1 година

Судот во Хаг го осуди лидерот на групата поврзана со Ал Каеда

Меѓународниот кривичен суд денеска го осуди лидерот на групата поврзана со терористичката организација Ал Каеда за верски прогон и тортура на затвореници во Мали во 2012 и 2013 година, кога тој беше началник на исламската полиција во градот Тимбукту.Ал Хасан Аг Абдул Азиз Аг Мохамед Аг Махмуд се соочува со доживотна казна затвор, пренесува АП. Судот утврди дека 47-годишниот Малиец бил клучен член на Ансар Дина, исламската екстремистичка група поврзана со Ал Каеда, која во тоа време беше на власт во Мали.На судењето беше откриено дека затворениците биле малтретирани со тоа што биле држени во мали валкани ќелии и постојано камшикувани.„Самиот Ал Хасан им нанесе најмалку 34 и 37 удари со камшик на двете машки жртви“, беше кажано на судењето. Како што беше наведено, жените и девојките страдаа особено под режимот на Ансар Дине, соочени со физичко казнување и затвор, рече тогашниот главен обвинител Фату Бенсуда на почетокот на судењето на Ал Хасан пред речиси четири години.

Свет | пред 1 година

Нема фотографија

Хашкиот суд му нареди на Израел да дозволи непречен проток на помош во Газа

Меѓународниот суд на правдата во Хаг му нареди на Израел да дозволи непречен проток на помош во Газа за да се спречи гладот.Во едногласната одлука на највисокиот суд на ОН, беше речено дека Израел мора да дејствува „без одлагање“ и да дозволи „обезбедување на итно потребните основни услуги и хуманитарна помош“.Одлуката е донесена по предупредувањата дека глад може да ја погоди Газа за неколку недели, објави Би-Би-Си.Израел рече дека обвинувањата дека земјата ја блокира помошта се „целосно неосновани“.Израелското Министерство за надворешни работи објави дека продолжува „да промовира нови иницијативи и да ги проширува постојните“ за да овозможи континуиран проток на помош за Газа „по копно, воздух и море“ во соработка со ОН и други.Во соопштението се наведува дека Хамас е виновен за ситуацијата во Газа и за почетокот на војната.Последната пресуда на судот во Хаг дојде откако Јужна Африка побара од МСП да ја поддржи наредбата издадена до Израел во јануари „да ги преземе сите мерки за да спречи геноцидни акти во Газа“.Наредбите издадени од МСП се правно обврзувачки, но овој суд нема овластување да ги спроведе.Светската програма за храна и другите организации предупредија во извештајот минатата недела дека сите 2,2 милиони жители на Газа „се соочуваат со високи нивоа на акутна несигурност во храната“.Извештајот предвидува дека глад ќе го погоди северниот дел на палестинската енклава пред крајот на мај.

Свет | пред 1 година