САД по пресудата за поранешните водачи на ОВК: „Ја почитуваме одлуката на судот“

Соединетите Американски Држави ја почитуваат пресудата на Специјализираните совети на Косово против поранешните лидери на Ослободителната војска на Косово, Хашим Тачи, Кадри Весели, Јакуп Красниќи и Реџеп Селими, соопшти американскиот Стејт департмент.

— реклама —

„Ја почитуваме денешната пресуда на Специјализираните совети на Косово“, изјавил портпарол на Стејт департментот за Радио Слободна Европа.

— реклама —

Од Вашингтон нагласија дека ја поддржуваат правдата за сите жртви и нивните семејства, како и принципите на одговорност, правична судска постапка и владеење на правото.

Американската администрација истовремено ги повика сите страни да ја прифатат судската одлука и да избегнуваат изјави што би можеле дополнително да ги зголемат тензиите.

— реклама —

„Ги повикуваме сите страни да ја почитуваат одлуката на судот, да избегнуваат запалива реторика и да продолжат да работат кон мирна и демократска иднина“, изјавил портпаролот.

— реклама —

Специјализираниот суд во Хаг ги прогласи Тачи, Весели, Красниќи и Селими за виновни по четири точки од обвинението за воени злосторства, додека ги ослободи од обвиненијата за злосторства против човештвото.