Соединетите Американски Држави ја почитуваат пресудата на Специјализираните совети на Косово против поранешните лидери на Ослободителната војска на Косово, Хашим Тачи, Кадри Весели, Јакуп Красниќи и Реџеп Селими, соопшти американскиот Стејт департмент.
„Ја почитуваме денешната пресуда на Специјализираните совети на Косово“, изјавил портпарол на Стејт департментот за Радио Слободна Европа.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Од Вашингтон нагласија дека ја поддржуваат правдата за сите жртви и нивните семејства, како и принципите на одговорност, правична судска постапка и владеење на правото.
Американската администрација истовремено ги повика сите страни да ја прифатат судската одлука и да избегнуваат изјави што би можеле дополнително да ги зголемат тензиите.
„Ги повикуваме сите страни да ја почитуваат одлуката на судот, да избегнуваат запалива реторика и да продолжат да работат кон мирна и демократска иднина“, изјавил портпаролот.
Специјализираниот суд во Хаг ги прогласи Тачи, Весели, Красниќи и Селими за виновни по четири точки од обвинението за воени злосторства, додека ги ослободи од обвиненијата за злосторства против човештвото.
