По случувањата во Србија, се огласи и Алта банка Битола: Средствата на клиентите се сигурни

АЛТА банка АД Битола ја информира јавноста дека е ликвидна и продолжува со редовно и непречено работење, по најновите случувања поврзани со Алта банка во Србија.

Од банката посочуваат дека се самостојно правно лице, регистрирано во Република Северна Македонија, кое работи согласно домашната законска регулатива и е под непосредна супервизија на Народната банка на Република Северна Македонија.

— реклама —

„АЛТА банка АД Битола е ликвидна и продолжува со редовно и непречено работење. Сите експозитури и банкомати функционираат нормално, а клиентите имаат непречен пристап до своите средства“, наведуваат од банката.

Оттаму уверуваат дека граѓаните можат слободно да располагаат со своите депозити, да подигнуваат готовина и да ги извршуваат сите банкарски трансакции, согласно вообичаените услови на работење.

— реклама —

Од АЛТА банка нагласуваат дека случувањата во Србија не значат автоматска промена на финансиската состојба или правниот статус на банката во Битола.

Дополнително, посочуваат дека околностите во Македонија се суштински различни од оние во Србија и дека банката не е предмет на политички притисоци и пресметки од карактерот на оние што ги одбележаа случувањата кај северниот сосед.

— реклама —

„Банката располага со сопствен капитал, средства и обврски, а нејзиното работење е под континуирана супервизија на Народната банка“, се наведува во соопштението.

Од банката потсетуваат и дека депозитите на физичките лица се осигурени преку Фондот за осигурување на депозити, согласно законските услови и лимити.

АЛТА банка АД Битола порачува дека останува посветена на заштитата на интересите на клиентите, финансиската стабилност и одржувањето на довербата, уверувајќи ги граѓаните дека нивните средства им се достапни и дека нема ограничувања во користењето на банкарските услуги.

АЛТА банка а.д. Белград остана без дозвола за работа: Народната банка на Србија утврди сериозно влошување на финансиската состојба

Како што објавува српскиот портал „Блиц.рс“ (Blic.rs), Извршниот одбор на Народната банка на Србија донел одлука за одземање на дозволата за работа на АЛТА банка а.д. Белград.Агенцијата за осигурување на депозити, со решение на судот, ќе биде именувана за стечаен управник на банката.Извршниот одбор на Народната банка на Србија соопшти дека пред одземањето на дозволата за работа биле спроведени контролни активности насочени кон зголемување на нивото на ликвидност на банката.При контролата било ут

Свет | пред 2 часа