По сончевите периоди следува пресврт: Дожд и нестабилно време до почетокот на следната недела

Променливо облачно време со сончеви периоди ќе преовладува денес претпладне, додека во попладневните часови се очекуваат услови за слаб локален дожд, најпрво во крајните западни делови, а потоа и на повеќе места низ земјава.

Ќе дува слаб до умерен ветер од југоисточен правец, кој повремено ќе засилува на одделни места долж Повардарието.

— реклама —

Минималната температура ќе се движи од 0 до 10 степени, додека максималната ќе достигне од 20 до 26 степени.

Во Скопје времето ќе биде променливо облачно со сончеви периоди. Ќе дува слаб до умерен ветер од променлив правец, а температурата ќе се движи од минимални 6 до максимални 23 степени.

— реклама —

Под влијание на влажна и нестабилна воздушна маса, од утре до почетокот на следната работна седмица се очекува променливо облачно време со врнежи од дожд, кои повремено ќе бидат пообилни.

— реклама —

Во четврток, врнежите ќе бидат проследени и со услови за појава на ретки грмежи.

Утре и во четврток, на одделни места ќе има услови за појава на утринска магла, што може да ја намали видливоста во раните утрински часови.

Во текот на овој период ќе дува слаб до умерен ветер од југоисточен правец. Исклучок ќе биде петок, кога се очекува засилување на ветерот од северозападен правец.

Променливото и нестабилно време ќе се задржи до почетокот на следната работна недела, со повремени врнежи од дожд во повеќе делови од земјава.