По сообраќајката кај Езеро Младост, патот кон Велес повторно отворен

Сообраќајот на регионалниот пат Велес – Езеро Младост е нормализиран, откако заврши увидот по сообраќајната незгода поради која патот беше затворен од 17 часот, информира АМСМ.

— реклама —

„По завршениот увид во 19:25 часот, патниот правец повторно е пуштен за сообраќај“, соопштија од АМСМ.

Оттаму информираат дека сообраќајот на државните патишта низ земјава се одвива непречено и по суви коловози, додека интензитетот надвор од градските средини е умерен.

— реклама —

На граничните премини, од македонска страна, нема подолги задржувања за влез и излез од државата.

— реклама —

АМСМ апелира возачите да бидат внимателни, да ја приспособат брзината и да ја почитуваат сообраќајната сигнализација, особено на делниците низ клисури, котлини и речни долини каде има опасност од одрони.

Како поризични делници се посочуваат патиштата Катланово – Велес, Маврово – Дебар – Струга, Виница – Берово и Кочани – Делчево.

Воедно, од АМСМ потсетуваат дека на повеќе патни правци низ државата има активни градежни работи и времен режим на сообраќај, меѓу кои на делниците Гостивар – Стража, скопската обиколница, Кичево – Охрид и Прилеп – Битола.