Почина 70-годишен маж откако со товарно возило излетал од патот на Јадранската магистрала во Скопје

Седумдесетгодишен возач од Гостивар починал откако товарно возило со приколка излетало од коловозот на Јадранската магистрала во Скопје и удрило во металната одбојна ограда. По несреќата, тој бил пренесен во болница, каде што лекар констатирал смрт.

— реклама —

Според информациите од Министерството за внатрешни работи, на 16 октомври 2026 година, околу 8 часот, во СВР Скопје било пријавено дека товарно возило „МАН“ со приколка и гостиварски регистарски ознаки излетало од коловозот на надвозникот на Јадранската магистрала и удрило во металната одбојна ограда.

— реклама —

Возачот Г.А. (70) од Гостивар бил пренесен во Градската општа болница „8 Септември“, каде што лекар ја констатирал неговата смрт.

— реклама —

За настанот бил известен јавен обвинител, по чија наредба телото на починатиот било предадено во Институтот за судска медицина. Таму било констатирано дека починал од природна смрт.

Увид на местото на несреќата извршила увидна екипа на СВР Скопје.