Легендарната рок-пејачка Бони Тајлер почина на 75-годишна возраст во болница во Португалија, соопшти нејзиното семејство. Таа подолг период се лекувала од тешка болест, а смртта настапила неочекувано.
Бони Тајлер, родена како Гејнор Хопкинс, во мај беше подложена на итна операција на цревата, по што беше ставена во медицински предизвикана кома. Минатиот месец нејзиниот тим соопшти дека излегла од кома, но останала во критична состојба на интензивна нега.
Светска слава стекна кон крајот на седумдесеттите години со хитот It’s a Heartache, а нејзиниот најголем успех беше песната Total Eclipse of the Heart од 1983 година, која стана глобален хит и ја одбележа нејзината кариера. Голема популарност стекна и со песната Holding Out for a Hero.
Во текот на богатата кариера беше трипати номинирана за „Греми“, ја претставуваше Обединетото Кралство на Eurovision Song Contest 2013, а беше одликувана и со титулата MBE за својот придонес во музиката.
Зад себе го остави сопругот Роберт Саливан, со кого беше во брак повеќе од пет децении.
