Охриѓанец бил застанат од полиција, за да не му ја фатат дрогата ја проголтал и починал на пат до болница

Едно лице почина во Охрид откако, според информациите на Министерството за внатрешни работи, при полициска интервенција проголтало паковка со наркотична материја.

— реклама —

Од МВР соопштија дека на 8 јули околу 22:30 часот на булеварот „Туристичка“ во Охрид бил лишен од слобода И.М. (32) од Охрид. Тој, управувајќи патнички автомобил „Ренџ Ровер“ со чешки национални ознаки, не застанал на даден знак од полициска патрола, туку продолжил да се движи и се обидел да избега. По преземени дополнителни активности, полициските службеници го запреле возилото.

— реклама —

При интервенцијата, во возилото бил забележан С.П. од Охрид, кој, според МВР, веднаш проголтал паковка со наркотична материја, по што му се влошила здравствената состојба.

— реклама —

На местото била повикана Итната медицинска помош, која го пренела во Општата болница во Охрид. И покрај преземените медицински мерки, лицето починало.

— реклама —

По наредба на јавен обвинител, денеска ќе биде извршена обдукција во Општата болница во Битола, а по насоки на обвинителството се преземаат мерки за целосно расчистување на сите околности на настанот.