Поддршка за најмладите во Илинден: Секое прваче ќе добие по 3.000 денари и училишен ранец

Семејствата од Општина Илинден, чии деца годинава за првпат ќе седнат во училишните клупи, ќе добијат финансиска поддршка од општината.

— реклама —

За таа цел е објавен јавен повик за доделување еднократна финансиска помош за децата кои во учебната 2026/2027 година ќе се запишат во прво одделение. Согласно мерката, за секое прваче ќе бидат исплатени 3.000 денари.

— реклама —

Родителите или старателите кои сакаат да го остварат правото, треба да поднесат барање со потребната документација преку Архивата на Општина Илинден. Деталите за условите, документите и начинот на аплицирање се достапни на официјалната веб-страница на Општината.

Од Општина Илинден посочуваат дека мерката е насочена кон олеснување на трошоците за семејствата пред почетокот на новата учебна година и обезбедување дополнителна поддршка за најмладите ученици.

— реклама —

Покрај еднократната финансиска помош, Општината ќе продолжи и со досегашната практика за обезбедување ранци со училишен прибор за првачињата.

— реклама —

Мерката е дел од Програмата за финансиска поддршка на жителите на Општина Илинден за 2026 година, преку која се реализираат повеќе активности за различни категории граѓани.