„Подготвени сме 100 отсто“: Иран тврди дека ги подобрил системите по последните судири

Иран ги искористил искуствата од последните вооружени судири за унапредување на своите системи за воздушна одбрана и развој на нова воена опрема, изјави командантот на Воздухопловно-одбранбените сили на иранската армија, Амир Алиреза Елхами.

— реклама —

Во интервју за иранската новинска агенција „Тасним“, Елхами рече дека иранските сили биле успешни во соборувањето на непријателски беспилотни летала и борбени авиони за време на последните судири.

— реклама —

Тој наведе дека искуствата од „12-дневната војна“ биле искористени за промена на тактиките, унапредување на постојните системи и производство на нова опрема, која била распоредувана во текот на следниот, како што го нарече, „40-дневен конфликт“.

Според Елхами, иранските сили успеале да погодат значителен број беспилотни летала и борбени авиони, вклучително и стратешки дронови.

— реклама —

Командантот додаде дека Иран сега работи на дополнително унапредување на постојната опрема, но и на развој и производство на нови системи врз основа на сопственото знаење и искуство стекнато во последните конфликти.

— реклама —

„Во моментов се потпираме 100 отсто на иранските капацитети“, изјави Елхами, нагласувајќи дека новите системи се произведуваат во земјата врз основа на домашното знаење и искуство.