Времето денеска ќе биде променливо облачно со сончеви периоди, а во повеќе делови од Македонија се очекуваат повремени врнежи од дожд и локална нестабилност проследена со пороен дожд, грмежи и засилен ветер.
Според прогнозата на Управата за хидрометеоролошки работи, на одделни места ќе има услови за појава на изолирано невреме со град.
Ќе дува слаб до умерен ветер од северен правец, кој долж Повардарието повремено ќе биде засилен. Во западните делови од земјата ќе преовладува слаб до умерен западен ветер, кој локално исто така ќе се засилува.
Во Скопје се очекува променливо облачно време со сончеви периоди. Во делови од котлината попладне ќе има услови за нестабилност со пороен дожд, грмежи и засилен ветер.
