Поднесена кривична против скопјанецот кој ги запали возилата на бугарската амбасада

СВР Скопје поднесе кривична пријава против 44-годишен скопјанец осомничен за опожарувањето на две дипломатски возила во сопственост на Амбасадата на Република Бугарија во Скопје, со што случајот е целосно расчистен.

— реклама —

Од Министерството за внатрешни работи информираат дека Одделението за криминалистички работи при Полициската станица Центар и Бит Пазар вчера по итна постапка поднело кривична пријава против И.Д.С. (44) од Скопје поради основано сомнение дека го сторил кривичното дело „предизвикување општа опасност“.

— реклама —

Станува збор за случајот од 15 јуни годинава, кога беа опожарени две дипломатски возила на бугарската амбасада во Скопје.

Во текот на истрагата биле обезбедени повеќе материјални докази, меѓу кои снимки од видео надзор од повеќе локации, како и облеката што осомничениот ја носел во моментот на извршување на делото.

— реклама —

Според информациите од полицијата, при службениот разговор во полициска станица, осомничениот го признал извршувањето на кривичното дело.

— реклама —

По преземените мерки и обезбедените докази, против него е поднесена кривична пријава по итна постапка, а натамошната постапка ќе се води пред надлежното обвинителство и суд.