Поголема количина дрога пронајдена во напуштен подрум во Аеродром

Поголема количина разновидна наркотична дрога е пронајдена при полициска акција спроведена на подрачјето на скопската општина Аеродром.

— реклама —

Од Министерството за внатрешни работи информираат дека на 8 јули полициски службеници од Единицата за недозволена трговија при СВР Скопје, по претходно преземени оперативни мерки, извршиле претрес во напуштени подрумски простории во станбена зграда.

— реклама —

— реклама —

При претресот биле пронајдени бела грутчеста материја, халуциногени печурки, кеса со поголема количина таблети екстази, марихуана, како и три дигитални ваги.

— реклама —

Од МВР соопштија дека се преземаат мерки за целосно расчистување на случајот, по што ќе биде поднесен соодветен поднесок.