Полицијата приведе шест лица, меѓу нив и 14-годишник, поради возење без дозвола

Полициски службеници во Битола, Прилеп и Ресен во текот на вчерашниот ден привеле шест лица, меѓу кои и еден 14-годишен малолетник, поради управување моторни возила без возачка дозвола.

— реклама —

Како што информираат од Министерството за внатрешни работи, на патот Битола – граничен премин со Грција бил приведен Д.Ш. (21) од село Кукуречани, битолско, откако при сообраќајна контрола било утврдено дека управувал мопед без регистарски ознаки и без возачка дозвола.

— реклама —

Во Битола, на улицата „Илинденска“, бил приведен и М.В. (22) од Битола, кој управувал патничко возило „цитроен“ без да поседува возачка дозвола. Подоцна, на улицата „8 Септември“, бил лишен од слобода и М.О. (46) од Битола, кој исто така управувал мопед без возачка дозвола.

Во Ресен, полицијата го привела Ј.З. (66), откако било утврдено дека управувал мопед без возачка дозвола и под дејство на алкохол. При контролата му биле измерени 0,92 промили алкохол во крвта.

— реклама —

Во Прилеп, на улицата „Осоговска“, полициски службеници привеле 14-годишен малолетник кој управувал мопед без возачка дозвола, додека на улицата „Пере Тошев“ била приведена и С.А. (26) од Прилеп, која исто така управувала мопед без возачка дозвола.

— реклама —

По целосното документирање на случаите, против сите лица ќе бидат поднесени соодветни поднесоци.