Полицијата уапси шестмина во Скопје и Битола поради дрога

Во текот на изминатото деноноќие, полициски службеници лишиле од слобода шест лица во Скопје и Битола, откако кај нив биле пронајдени наркотични средства.

— реклама —

Како што информираат од Министерството за внатрешни работи, на 25 и 26 јуни, на повеќе локации во Скопје, полициски службеници од СВР Скопје ги привеле Б.Ј. (33), И.А. (39), С.С. (24), А.А. (29) и А.Е. (18), сите од Скопје, бидејќи при извршените прегледи кај нив биле пронајдени и одземени марихуана и прашкаста материја.

— реклама —

— реклама —

Во одделен случај, на 26 јуни во 03:10 часот во Битола, полициски службеници од СВР Битола го лишиле од слобода М.Н. (22) од Битола, откако кај него била пронајдена марихуана.

— реклама —

По целосното документирање на случаите, против приведените ќе бидат поднесени соодветни поднесоци.