Полицијата во Австралија започнала истрага за можно убиство откако била пронајдена торба за која се верувало дека содржи човечки останки. Случајот, сепак, добил неочекуван пресврт кога форензичарите утврдиле дека „телото“ всушност било исклучително реалистична кукла.
Полицајците биле повикани во Оален, град кој се наоѓа околу 200 километри југозападно од Сиднеј, каде што било утврдено можното место на злосторството. Содржината на торбата, сепак, не била детално проверена на самото место.
Подоцнежната форензичка анализа покажала дека предметот бил реалистична кукла облечена во облека, со коса и пирсинг на носот. На неа имало и ознаки кои наликувале на модринки и гребаници.
Полициската надзорничка Линда Бредбери објаснила дека службениците на теренот не сакале премногу да ги нарушуваат наводните човечки останки, особено поради лошите временски услови.
„Предметот бил многу реалистичен, во смисла дека изгледал како човечки останки“, изјавила Бредбери.
Откако било утврдено дека не станува збор за човечко тело, истрагата за можното убиство била прекината.
