Полициска акција во Гостивар: Пронајдена дрога, уапсени три лица

Три лица се лишени од слобода во полициска акција спроведена во Гостивар, откако кај нив била пронајдена дрога, информира Министерството за внатрешни работи.

— реклама —

Според информациите, на 19 јуни во 20:15 часот полициски службеници од Одделението за внатрешни работи Гостивар ги привеле Б.З. (27) и А.З. (23), двајцата од Гостивар, како и Ј.М. (31) од Република Албанија, поради сомнение за неовластено производство и пуштање во промет на наркотични дроги, психотропни супстанции и прекурсори.

— реклама —

— реклама —

При преземање на службените дејствија, кај Б.З. била пронајдена бела прашкаста материја. По добиена судска наредба бил извршен претрес во неговиот дом и подрумските простории, при што била пронајдена и одземена марихуана.

— реклама —

Тројцата осомничени се задржани во Полициската станица во Гостивар, а по целосното документирање и расчистување на случајот против нив ќе бидат поднесени соодветни поднесоци.