Полициска акција во Гостиварско: Дрога откриена кај 19 и 23-годишник

Две лица од Гостиварско се лишени од слобода откако полицијата кај нив пронашла и одзела марихуана, соопшти Министерството за внатрешни работи.

— реклама —

Според информациите, на 10 јуни во 21:40 часот полициски службеници од Полициската станица Гостивар ги привеле А.М. (19) од селото Паталиште и А.Т. (23) од селото Трново. При извршен преглед, кај 19-годишникот била пронајдена и одземена марихуана.

— реклама —

Подоцна, врз основа на судска наредба, бил извршен претрес во домот и помошните простории на А.Т. во селото Долна Бањица, како и преглед на неговото патничко возило „рено“ со тетовски регистарски ознаки.

— реклама —

При претресот и прегледот, полициските службеници повторно пронашле и одзеле марихуана.

— реклама —

Од МВР информираат дека по целосното документирање на случајот, против двете лица ќе бидат поднесени соодветни пријави.