Политички аналитичар: Демонтирањето на системот на Орбан нема да оди лесно

Најважните парламентарни избори оваа година во Европската Унија завршија со убедлива победа на опозициската партија ТИСА и нејзиниот лидер Петер Маѓар, со што по 16 години власт, унгарскиот премиер Виктор Орбан ја губи функцијата.

— реклама —

Според изборните резултати, ТИСА освои 138 од вкупно 199 пратенички места, додека Фидес има 55, а крајно десната партија „Наша татковина“ шест мандати. Изборите беа обележани со рекордна излезност од околу 80 проценти.

— реклама —

Аналитичарите оценуваат дека резултатот главно ја одразува желбата на гласачите за промени, поттикната од незадоволството од економските и социјалните услови, како и од долгогодишното владеење на Орбан.

Иако Орбан претрпе пораз, дел од аналитичарите сметаат дека тој и понатаму останува влијателна политичка фигура, со значителна поддршка во дел од електоратот.

— реклама —

Новата власт најавува политички и институционални промени, но експертите предупредуваат дека демонтажата на досегашниот систем ќе биде бавен и сложен процес, особено во делот на правосудството, медиумите и државната администрација.

— реклама —

Промените во Унгарија, според аналитичарите, може да имаат пошироки последици и за регионот и за европската десница, каде Орбан важеше за една од клучните фигури во изминатата деценија.