Во Словенија се разгоре институционален политички спор откако претседателката Наташа Пирц Мусар одлучи да го истакне палестинското знаме на Претседателската палата во Љубљана, како одговор на одлуката на владата на премиерот Јанез Јанша да го отстрани од зградата на извршната власт.
Според медиумите, одлуката на претседателката дополнително ги продлабочила политичките поделби во државниот врв, во момент кога Израел најавува отворање на својата прва амбасада во Љубљана.
Пирц Мусар преку социјалните мрежи порача дека палестинското знаме ќе остане поставено на Претседателската палата седум дена, по што ќе биде преместено во внатрешноста на институцијата како симболична порака.
Таа нагласи дека во актуелниот контекст знамето претставува симбол на тешки прекршувања на меѓународното хуманитарно и човеково право, не само во Палестина, туку и глобално, и повик за почитување на човечкото достоинство.
Од друга страна, новата влада на Јанша претходно нареди отстранување на палестинското знаме од зградата на извршната власт веднаш по преземањето на функцијата.
Според оценките, овој потег ја претворил симболиката на знамето во центар на политичка конфронтација меѓу највисоките државни институции во Словенија.
