Полски државјани со четирицикли влегле во воени магацини во Тетово, четворица приведени

Четири лица, сите државјани на Полска, се лишени од слобода откако со четирицикли влегле во просторот на воени магацини во Тетово и ја оштетиле влезната врата на објектот.

— реклама —

Според информациите од МВР, случајот бил пријавен на 28 септември во 18:24 часот од Воената полиција на АРМ во СВР Тетово. Настанот се случил во местото „Еребино“, каде што се наоѓаат воени магацини.

— реклама —

Војниците кои биле на стража ги задржале Х.М.А. (55), Д.К.В. (55), К.В. (41) и К.Ј.Р. (36), додека други три лица со четирицикли успеале да избегаат.

— реклама —

Четворицата се лишени од слобода поради основано сомнение дека сториле кривично дело по член 350 од Кривичниот законик, односно „неовластено влегување во воени објекти“.

Од МВР информираат дека се преземаат мерки за пронаоѓање на останатите три лица. По целосното документирање на случајот, ќе следуваат соодветни поднесоци.