Попладне дожд, грмежи и можен град, температурите до 38 степени

Сончево и топло време со мала до умерена облачност ќе преовладува денеска часови низ земјава. Попладне се очекува развој на нестабилна облачност, проследена со дожд, грмежи и засилен ветер, а на одделни места ќе има услови и за појава на град.

— реклама —

Ќе дува слаб до умерен ветер од северен правец, кој повремено ќе засилува. Утринските температури ќе се движат од 10 до 18 степени, додека дневните ќе достигнат од 29 до 38 степени Целзиусови.

— реклама —

Во Скопје претпладне ќе биде сончево со мала до умерена облачност, а во попладневните часови се очекува нестабилно време со локален дожд, грмежи и засилен северен ветер. Температурата ќе се движи од минимални 17 до максимални 35 степени.

— реклама —

Според прогнозите, во наредните денови ќе продолжи периодот на променливо облачно и нестабилно време со врнежи од дожд. Пообилни врнежи се очекуваат во вторник и среда, кога локално може да наврнат и до 15 литри дожд на метар квадратен.

— реклама —

На одделни места процесите ќе бидат поинтензивни и ќе има услови за краткотрајно невреме проследено со пороен дожд, силен ветер, грмежи и појава на град. Во текот на целиот период ќе дува умерен ветер, претежно од северен правец.