Најстудено утрово во земјава било на Попова Шапка, каде се измерени 5 степени, соопшти Управата за хидрометеоролошки работи.
По Попова Шапка, најниски температури се измерени во Крушево и Лазарополе со 7 степени, додека 8 степени се измерени во Претор и Маврови Анови.
Најмногу дожд во изминатите 24 часа наврнало во Претор, каде се измерени 33 литри на метар квадратен. Потоа следуваат Битола со 23 литри и Охрид со 19 литри на метар квадратен.
Според прогнозата на УХМР, времето денеска претпладне ќе биде облачно со повремени врнежи од дожд, додека попладне се очекува променливо облачно и нестабилно време со локален пороен дожд и грмежи.
Наместа ќе има услови за поинтензивни процеси со пообилен пороен дожд, грмежи и засилен ветер. Ќе дува слаб до умерен ветер, а долж Повардарието повремено засилен ветер од северен правец.
Максималната дневна температура ќе се движи од 17 до 24 степени.
Во Скопје времето ќе биде променливо облачно со повремен локален дожд и услови за ретки грмежи. Максималната температура ќе достигне до 21 степен.
