Попова Шапка и Берово со најниска утринска температура од 8 степени

Попова Шапка и Берово утрово беа најстудените места во земјава, со измерени минимални температури од 8 степени Целзиусови.

— реклама —

Температура од 10 степени е измерена во Маврови Анови и Крива Паланка, додека во Крушево, Струмица, Охрид, Претор и Прилеп се измерени 12 степени. Во Тетово, Куманово, Кавадарци и Скопје-Петровец минималната температура изнесувала 14 степени.

— реклама —

Во Велес, Скопје-Зајчев Рид и Гевгелија се измерени 15 степени, во Виница и Битола 16, а најтопло утрово било во Демир Капија, со минимална температура од 19 степени.

— реклама —

Според прогнозата, денеска времето ќе биде променливо облачно, со повремени локални врнежи од дожд. На некои места дождот ќе биде пороен и пообилен, проследен со грмежи и засилен ветер. Максималната температура ќе се движи од 18 до 21 степен.

Во Скопје се очекува променливо облачно време со повремени врнежи од дожд, а во делови од котлината ќе има услови за пороен дожд, грмежи и засилен ветер. Максималната температура ќе достигне до 19 степени.